Տեղեկատվական կենտրոն
Նորություններ
Վերին Կարմիրաղբյուր գյուղում օծվեց Սուրբ Հովհաննես մատուռը
11.11.2013
Նոյեմբերի 9-ին Տավուշի մարզի Վերին Կարմիրաղբյուր գյուղում տոնական տրամադրություն էր: Օծվեց նորակառույց Սուրբ Հովհաննես մատուռը: Տուֆակերտ եկեղեցին կառուցվել է ծնունդով կարմիրաղբյուրցի մոսկվայաբնակ Մաքսիմ Անուշավանի Օհանյանի նախաձեռնությամբ և միջոցներով: Եկեղեցու բացմանը ներկա էր ՀՀ ԶՈւ գլխավոր շտաբի պետ գեներալ-գնդապետ Յուրի Խաչատուրովը, Տավուշի մարզպետ Արմեն Ղուլարյանը, ՀՀ ԱԺ պատգամավոր Հակոբ Հակոբյանը, զինվորականներ ու վերին կարմիրաղբյուրցիներ: Տուֆակերտ մատուռում Տավուշի թեմի առաջնորդ Տեր Եզնիկ արքեպիսկոպոս Պետրոսյանի հանդիսապետությամբ մատուցվեց Սուրբ Պատարագ, որին հաջորդեց Օծման Սուրբ կարգը: Նորակառույց եկեղեցու բակում գյուղի երեխաները ոգեշունչ ասմունքեցին, որին հաջորդեց մշակույթի տան միջոցառումը: Համայնքապետ Կամո Չոբանյանը իր անունից շնորհակալագրեր հանձնեց եկեղեցու շինարարներին և խորին երախտագիտություն հայտնեց բարերարին: Նախքան համերգային ծրագիրը սկսելը, միջոցառման մասնակիցները հարգեցին գյուղի զոհված ազատամարտիկների հիշատակը: