Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Արժանացան Արտակարգ իրավիճակների նախարարի պատվոգրի

08.11.2013

   Փրկարարական և բժշկական ստորաբաժանումների համագործակցությունը կատարելագործելու, ինչպես նաև՝ Հայաստանում ՄԱԿ-ի որոնողափրկարարական միջազգային խորհրդատվական խմբի /INSARAG/ չափանիշներին համապատասխան փրկարարական կառույց ունենալու նպատակով՝ Գեղարքունիքի մարզի Մարտունի քաղաքում անցկացվեց <<Արձագանք. Բժշկական ստորաբաժանումներ. Հայաստանում ապակենտրոնացված արձագանքման կարողությունների հզորացում>> ծրագրի շրջանակներում ստեղծված բժշկական ստորաբաժանումների միջև մրցութային ավարտական միջոցառումը: Միջոցառմանը ներկա էին Արտակարգ իրավիճակների նախարար Արմեն Երիցյանը, Հայաստանում Շվեյցարիայի դեսպան Լուկաս Գասերը, բազմաթիվ հյուրեր: Նշենք, որ ծրագիրն իրականացվում է Շվեյցարիայի Զարգացման և համագործակցության գործակալության /SDCA/ ֆինանսավորմամբ և Արտակարգ իրավիճակների նախարարության համագործակցությամբ: Վարժանքին մասնակցում էին Մարտունու և Վանաձորի բուժմիավորումներն ու փրկարարները, ովքեր էլ դրսևորեցին իրենց կազմակերպչական ու մասնագիտական ունակություններն ու հմտությունները պայմանական երկրաշարժի ժամանակ: Վերլուծելով թիմերի կատարած աշխատանքի արդյունքները՝ դիտորդները՝ Երևանի պետական բժշկական համալսարանի շտապօգնության ամբիոնի դասախոսները, հաղթող ճանաչեցին Մարտունու թիմին, ում էլ Շվեյցարիայի դեսպանը հանձնեց մրցանակը: Իսկ արտակարգ իրավիճակների նախարար Արմեն Երիցյանը պարգևատրեց վարժանքին մասնակից մի շարք անձանց: Պատվոգրերի արժանացան նաև Տավուշի մարզպետարանի առողջապահության և սոցիալական ապահովության վարչության պետ Կարինե Դովլաթբեկյանը, Տավուշի մարզային փրկարարական վարչության պետ Վաղինակ Հովսեփյանը և Իջևանի ԲԿ-ի գլխավոր բուժքույր Ալվարդ Զուրաբյանը:


Լուսանկարները՝ www.mes.am
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-27 17:11:50