Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տավուշի մարզպետ Արմեն Ղուլարյանը Երևանի հիմնադրման 2795-ամյակի կապակցությամբ շնորհավորել է քաղաքապետ Տարոն Մարգարյանին
14.10.2013
Երևանի հիմնադրման 2795-ամյակի կապակցությամբ Տավուշի մարզպետ Արմեն Ղուլարյանը շնորհավորական նամակ է ուղարկել Երևանի քաղաքապետ Տարոն Մարգարյանին, որտեղ մասնավորապես գրված է. ,,Հարգելի պարոն Մարգարյան, Տավուշի մարզի բնակչության և անձամբ իմ անունից ջերմորեն շնորհավորում եմ Ձեզ Էրեբունի-Երևանի 2795-ամյակի կապակցությամբ: Գրեթե երեք հազարամյակ է անցել պատմական այն օրվանից, երբ Ուրարտական թագավոր Արգիշտի Առաջինը մակագրեց Էրեբունի մայրաքաղաքի ծննդյան վկայականը: Ու սկսած այդ օրվանից դարերի միջով անցած ու Երևան դարձած քաղաքը այսօր հանդիսանում է համայն հայության մայրաքաղաքը, Հայաստանի տնտեսական, մշակութային, հասարակական-քաղաքական զարգացման հիմնական կենտրոնը: Անգնահատելի են Ձեր ջանքերը Երևանն ավելի բարետես ու բարեկարգ դարձնելու գործում:
Մեկ անգամ ևս շնորհավորելով մեր սրտի մայրաքաղաք Երևանի 2795-ամյա տարեդարձը՝ մաղթում եմ Երևանի զարգացման հետ կապված Ձեր բոլոր մտահղացումների ու ծրագրերի անվերապահ իրականացում՝ ի նպաստ մեր սիրելի մայրաքաղաքի էլ ավելի գեղեցկացման ու զարգացման,,:
