Տավուշի մարզպետի աշխատակազմ

Չեռնոգորիայի Բուդվա քաղաքում սեպտեմբերի 28-ից հոկտեմբերի 8-ը անցկացվեց շախմատի Եվրոպայի պատանիների առաջնությունը, որտեղ Հայաստանը ներկայացնող շախմատիստների կազմում էր իջևանցի պատանի շախմատիստ Դավիթ Հովսեփյանը: Առաջնությանը մասնակցում էին աշխարհի տարբեր երկրներից Չեռնոգորիա ժամանած 79 շախմատիստներ: Դավիթ Հովսեփյանը մեր տարածաշրջանից առաջին շախմատիստն է, որ մասնակցում էր նման առաջնության: Դավիթին մարզում է շախմատի ակադեմիայի Տավուշի մարզի լիազոր ներկայացուցիչ Էմիլ Մատինյանը: 9 հնարավորից վաստակելով 6 միավոր՝ իջևանցի շախմատիստը առաջնությունում գրավել է 8-14-րդ տեղերը, որը, ըստ մարզչի, բավականին խոստումնալից ցուցանիշ է: Նշենք, որ պատանի շախմատիստի մասնակցությունը առաջնությանը ապահովվել է Տավուշի մարզպետ, Տավուշի մարզի շախմատի ֆեդերացիայի նախագահ Արմեն Ղուլարյանի աջակցության շնորհիվ, ում մշտական ուշադրության ու հոգածության կենտրոնում են շախմատն ու մարզի շախմատիստները: