Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՏԱՎՈՒՇԻ ՄԱՐԶՊԵՏ ԱՐՄԵՆ ՂՈՒԼԱՐՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՈՒՍՈՒՑՉԻ ՕՐՎԱ ԿԱՊԱԿՑՈՒԹՅԱՄԲ
03.10.2013
Սիրելի ուսուցիչներ,
Սրտանց շնորհավորում եմ Ձեզ մասնագիտական տոնի՝ Ուսուցչի օրվա կապակցությամբ: Հայ մարդու համար ուսուցիչ լինելը ավելին է, քան մասնագիտությունը. այն կոչում է: Ու պատահական չէ, որ մեր ժողովորդի վերաբերմունքը ուսուցչի, գրի ու դպրության հանդեպ բոլոր ժամանակներում պաշտամունքային է եղել, շնորհիվ որի էլ կարողացել ենք դիմակայել ժամանակի մարտահրավերներին ու պահպանել մեր ազգային ինքնությունը, մշակութային արժեքներն ու ավանդույթները:
Սիրելի ուսուցիչներ, ձեզնից է կախված, թե ինչպիսին կլինի մեր վաղվա օրը, որովհետև ձեր ձեռքերում է մատաղ սերնդի՝ մեր երկրի վաղվա քաղաքացու կրթության ու դաստիարակության դժվարին ու պատասխանատու գործը: Այսօր սահմանամերձ Տավուշի մարզի հանրակրթական դպրոցներում այդ հայրենանվեր գործին են լծված շուրջ 2000 ուսուցիչներ, ովքեր մեծ նվիրումով ու պատվախնդրությամբ ծառայում են իրենց կոչմանը:
Սիրելի ուսուցիչներ, մեկ անգամ ևս շնորհավորելով տոնի առթիվ՝ մաղթում եմ Ձեզ քաջառողջություն, երջանկություն, անսպառ եռանդ և նորանոր հաջողություններ ու ձեռքբերումներ ուսումնական գործընթացում:
