Տեղեկատվական կենտրոն
Նորություններ
Քաղաքացիների ընդունելություն Նոյեմբերյանում
23.09.2013
Սեպտեմբերի 20-ին Տավուշի մարզպետ Արմեն Ղուլարյանը քաղաքացիների հերթական ընդունելությունն անցկացրեց Նոյեմբերյանում: Ընդունելության համար նախապես դիմել և հերթագրվել էին Նոյեմբերյան, Կողբ, Հաղթանակ և Բերդավան համայնքների 7 քաղաքացիներ: Ընդունելությանը մասնակցած քաղաքացիներից 2-ը դիմել էին սոցիալական հարցով, 2-ը՝ առողջապահական, մեկ քաղաքացի` աշխատանքի տեղավորման, 1-ը՝ կրթական և մեկ բնակիչ էլ մարզպետին էր դիմել ֆինանսական աջակցության խնդրանքով: Մարզպետ Արմեն Ղուլարյանը բնակիչների հետ հանդիպումից հետո նրանց դիմումների մի մասին դրական մակագրություն տվեց, իսկ այն հարցերով դիմումներին, որոնց լուծման համար լրացուցիչ ուսումնասիրություն և ժամանակ էր անհրաժեշտ, մակագրեց մարզպետարանի համապատասխան ստորաբաժանումներին՝ օրենքով սահմանված ժամկետում պատասխանելու համար: