Տեղեկատվական կենտրոն
Նորություններ
ՎԵՐԱԿԱՆԳՆՈՂԱԿԱՆ ՄԻՋՈՑԱՌՈՒՄՆԵՐ ՀԱՇՄԱՆԴԱՄՆԵՐԻ ՀԱՄԱՐ
19.09.2013
Տավուշի մարզպետարանի աշխատակազմի առողջապահության և սոցիալական ապահովության վարչությունից տեղեկացնում են, որ ինչպես ամեն տարի, 2013 թվականի ընթացքում նույնպես մարզում բնակվող հաշմանդամների համար իրականացվել են վերականգնողական միջոցառումներ: Մարզպետարանի առողջապահության և սոցիալական ապահովության վարչության, Հաշմանդամություն ունեցող անձանց հարցերով զբաղվող մարզային հանձնաժողովի, համայնքապետարանների և ,,Հույսի կամուրջ՚՚ ՀԿ-ի Իջևանի, Դիլիջանի, Բերդի և Նոյեմբերյանի մասնաճյուղերի համագործակցված աշխատանքի արդյունքում, ՀՀ աշխատանքի և սոցիալական հարցերի նախարարության, ,,Փյունիկ՚՚ ՀԿ-ի անմիջական աջակցությամբ մարզի 22 հաշմանդամների տրամադրվել են համապատասխան վերականգնողական պարագաներ /հաշմանդամության սայլակներ, հենակներ, օրթոպեդ կոշիկներ, ձեռնափայտեր և այլն/, ինչպես նաև 13 առողջարանային ուղեգրեր: