Տեղեկատվական կենտրոն
Նորություններ
Անցկացվեց <<Սասնա ծռեր>> էպոսին նվիրված ամենամյա մրցույթ-փառատոնի մարզային փուլը
21.08.2013
Օգոստոսի 21-ին Տավուշի մարզպետարանում անցկացվեց <<Սասնա ծռեր>> էպոսին նվիրված ամենամյա մրցույթ-փառատոնի մարզային փուլը: Ամենամյա մրցույթ-փառատոնը կազմակերպում է <<Սասնա տուն>> ՀԿ-ն՝ ՀՀ մշակույթի նախարարության և մարզպետարանների աջակցությամբ: Տավուշի մարզում մրցույթին մասնակցեցին մարզի դպրոցներից 1-ի փուլը հաղթահարած 12 երեխաներ: 3-րդ և 2-րդ տեղերը 23-ական և 24-ական միավորներով համապատասխանաբար կիսեցին Չորաթանի միջնակարգ, Նոյեմբերյանի ավագ և Բերդի թիվ 3 դպրոցների աշակերտները, իսկ 1-ին պատվավոր տեղը գրավեց ամենափոքր մասնակիցը՝ Բերդի թիվ 3 դպրոցի 4-րդ դասարանի սան Դավիթ Մելիքյանը: Եզրափակիչ՝ հանրապետական փուլը կկայանա սեպտեմբերի 7-ին և 8-ին Երևանում՝ <<Հովհաննես Շարամբեյանի անվան ժողովրդական ստեղծագործության կենտրոն>> ՊՈԱԿ-ում: