Տեղեկատվական կենտրոն
Նորություններ
Քաղաքացիների ընդունելություն Տավուշի մարզպետարանում
12.08.2013
Օգոստոսի 12-ին Տավուշի մարզպետարանում ՀՀ Տավուշի մարզպետ Արմեն Ղուլարյանը կատարեց քաղաքացիների ընդունելություն Իջևանի տարածաշրջանի բնակիչների համար: Տարբեր հարցերով մարզպետին էր դիմել ընդհանուր թվով 11 բնակիչ: Քաղաքացիների գերակշիռ մասը՝ 7 հոգի, մարզպետին էին դիմել աշխատանքի հարցով, 2 քաղաքացի՝ երեխայի ուսման հետ կապված խնդրով: Մեկ քաղաքացի դիմել էր ֆինանսական օգնության խնդրանքով, մեկ քաղաքացի էլ՝ այլ հարցով: Դրամական հարցով դիմումին տրվեց դրական լուծում: Մնացած դիմումների վերաբերյալ մարզպետը հանձնարարականներ տվեց համապատասխան ստորաբաժանումների ղեկավարներին:
Մարզպետարանի աշխատակազմի կողմից հաշվառված դիմումներին պատասխան կտրվի օրենքով սահմանված ժամկետում: