Տավուշի մարզպետի աշխատակազմ

     Հունիսի 1-ին Հայաստանում մեկնարկեցին միասնական քննությունները: Տավուշի մարզում քննություններն անց են կացվում այստեղ ձևավորված 2 քննական կենտրոններում, որոնք տեղակայված են Իջևանի թիվ 1 և թիվ 4 հիմնական դպրոցներում: Առաջին քննությունը ,,Ռուսաց լեզու,, առարկայից էր, իսկ հունիսի 4-ին անցկացվեց ,,Հայոց լեզու և գրականություն,, առարկայի միասնական քննությունը: Արդեն հայտնի են ,,Ռուսաց լեզու,, առարկայի միասնական քննության նախնական արդյունքները: Հայտագրված 127 դիմորդից քննությանը մասնակցել է 118-ը:Նրանցից մեկական հոգի ստացել է 19,25; 18; 17,25; 16,50; 16,25; 15,75; 15,50 միավոր, 7,5-15 միավոր է հավաքել 78 դիմորդ, իսկ 33-ը ստացել են մինչև 7,5 միավոր, այսինքն՝ անբավարար գնահատական: