Տեղեկատվական կենտրոն
Նորություններ
ՍՊԱՍՎՈՒՄ ԵՆ ՑՐՏԱՀԱՐՈՒԹՅՈՒՆՆԵՐ
17.04.2013
Տավուշի մարզպետարանի գյուղատնտեսության և բնապահպանության վարչությունից տեղեկացնում են, որ համաձայն ՀՀ հիդրոմետ ծառայության տվյալների, 2013թ. ապրիլի լույս 18-ի և 19-ի գիշերներն սպասվում է ջերմաստիճանի անկում՝ -1- ից մինչև -2 աստիճան:
Ցրտահարությունից պաշտպանելու նպատակով Տավուշի Գյուղատնտեսության աջակցության մարզային կենտրոնը /ԳԱՄԿ/ խորհուրդ է տալիս.
· Ջերմոցները, որտեղ ցանք է կատարված, ծածկել խսիրով, պարկերով, խոտով:
· Ծաղկած այգիները ծխահարել՝ օգտագործելով աղբ, չորացած ճյուղեր, տերևներ, թեփ, դրանք կույտերով լցնել մեկը մյուսից 8-10մ հեռավորության վրա: Կույտերի ներսում լցնել արագ այրվող չոր նյութ, իսկ վերևում՝ մի քիչ ավելի խոնավ նյութ, որովհետև այն տալիս է ավելի շատ ծուխ: Ծխի վարագույրը սառը օդը պահում է վերևում և պահպանում տաք, հողից տրվող ջերմությունը, իսկ արևը դուրս գալուց հետո բույսերի խիստ տաքանալը մեղմացվում է:
· Որպես նախազգուշական միջոցառում, խորհուրդ է տրվում բույսերը ջրել ուշ ժամի: Դա բացատրվում է նրանով, որ բույսը և հողը ջրից ստանում են լրացուցիչ տաքություն, որովհետև ցրտահարությունների շրջանում ջրամբարների, լճակների, գետերի ջրերը միշտ ավելի տաք են լինում օդի ջերմաստիճանից: Այսպիսի ջրումները կարող են բույսերը պաշտպանել միայն կարճատև ցրտահարությունների ժամանակ: