Տեղեկատվական կենտրոն
Նորություններ
«Լավագույն համայնք` գենդերային հարցերի լուծման ուղղությամբ» մրցանակաբաշխության հաղթողներ են ճանաչվել Ազատամուտի և Գանձաքարի գյուղական համայնքները
11.04.2013
ՀՀ վարչապետ Տիգրան Սարգսյանը վարչապետին կից կանանց խորհրդի նիստի ժամանակ պատվոգրեր է հանձնել «Լավագույն համայնք` գենդերային հարցերի լուծման ուղղությամբ» մրցանակաբաշխության հաղթողներին: «Գյուղական համայնքներում հիմնարկների եւ կազմակերպությունների ղեկավարների եւ տեղակալների գենդերային կազմը, գենդերային ներկայացվածության փոփոխությունները վերջին երկու տարվա ընթացքում» անվանակարգում առաջին տեղը զբաղեցրել է ՀՀ Տավուշի մարզի Ազատամուտի գյուղական համայնքը: Իսկ «Գյուղապետարանի աշխատակազմի գենդերային կազմը, կանանց եւ տղամարդկանց թիվը ծառայողների բոլոր կարգերում, գենդերային ներկայացվածության փոփոխությունները վերջին երկու տարվա ընթացքում» անվանակարգում ՀՀ Տավուշի մարզի Գանձաքարի գյուղական համայնքը զբաղեցրել է երրորդ մրցանակային տեղը: Նշենք, որ ՀՀ վարչապետի «Լավագույն համայնք` գենդերային հարցերի լուծման ուղղությամբ» մրցանակաբաշխությունը Հայաստանում անցկացվում է երկրորդ անգամ: Այն կազմակերպվում է ՀՀ տարածքային կառավարման նախարարության կողմից: