Տեղեկատվական կենտրոն
Նորություններ
Մայրության ու գեղեցկության տոնին նվիրված հանդիսավոր միջոցառում Իջևանում
08.04.2013
Ապրիլի 6-ին Մայրության և գեղեցկության տոնին նվիրված հանդիսավոր միջոցառում էր կազմակերպվել Իջևանի մշակույթի տանը: Միջոցառումն սկսվեց հաճելի անակնկալով. մշակույթի տան հենց նախասրահում հրավիրված բոլոր կանայք ու աղջիկները տոնի առթիվ թարմ վարդեր նվեր ստացան ու վարդերով էլ մտան դահլիճ: Տոնի կապակցությամբ գեղեցիկ սեռի ներկայացուցիչներին շնորհավորեց ՀՀ Տավուշի մարզպետարանի աշխատակազմի ղեկավար Սվետլանա Դավթյանը` մաղթելով նրանց երջանկություն, անսահման սեր ու հավերժական գեղեցկություն: Սրտի խոսք ասաց նաև Իջևանի քաղաքապետարանի մշակույթի բաժնի պատասխանատու Լիլիթ Ղալումյանը: Շնորհավորանքներին հաջորդեց համերգային հարուստ ծրագիրը: Լեփ-լեցուն դահլիճը ծափողջույններով ընդունեց յուրաքանչյուր գեղարվեստական կատարում: Ելույթ ունեցան արվեստի դպրոցի <<Փյունիկ>> պարային համույթի պարուհիները, երգ-երաժշտության, ասմունքի անհատ կատարողներ ու խմբեր: