Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԾԱՌԱՏՈՒՆԿ ՄԱՐԶԿԵՆՏՐՈՆՈՒՄ
04.04.2013
Ապրիլի 3-ին ծառատունկ էր կազմակերպվել մարզկենտրոնի Ազատամարտիկների հրապարակին հարող տարածքում, որին մեծ ոգևորությամբ ու ուրախությամբ մասնակցեցին ԵՊՀ Իջևանի մասնաճյուղի ուսանողները, ավագ դպրոցի սաները և <<Երիտասարդ Տավուշ>> հասարակական կազմակերպության կամավորները: Միջոցառումը նախաձեռնել էր միջազգային հարաբերությունների Ազգային ժողովրդավարության ինստիտուտը /NDI/ Տավուշի մարզպետարանի, Իջևանի քաղաքապետարանի, <<Երիտասարդ Տավուշ>> հասարակական կազմակերպության, Հայաստանի երիտասարդական հիմնադրամի Տավուշի մարզային կենտրոնի հետ համատեղ: Խորհրդատվական ծառայությամբ աջակցել էր Տավուշի գյուղատնտեսության աջակցության մարզային կենտրոնը /ԳԱՄԿ/: Իջևանը բարեկարգ ու կանաչապատ տեսնելու բարի ցանկությունն էր բոլորին այդ օրը հավաքել մեկտեղ: Այստեղ էին NDI-ի հասարակական ծրագրերի ղեկավար Մայքլ Մերֆին, Տավուշի մարզպետ Արմեն Ղուլարյանը, Իջևանի քաղաքապետ Վարդան Ղալումյանը: Օրվա եղանակն էլ էր համահունչ մարդկանց տրամադրությանը, ու այդ օրը համատեղ ուժերով տնկվեց հացենու, լորենու և ուռենու շուրջ 170 ծառ: Ծրագրված է առաջիկա օրերին ծառատունկ իրականացնել նաև Մակարավանքի վանական համալիրի տարածքում:
