Տավուշի մարզպետի աշխատակազմ

Մարտի 25-ին Տավուշի մարզպետարանի աշխատակազմի ստորաբաժանումների ղեկավարների մասնակցությամբ հերթական աշխատանքային խորհրդակցությունն անցկացրեց Տավուշի մարզպետ Արմեն Ղուլարյանը: Վարչությունների պետերը և բաժինների վարիչները զեկուցեցին նախորդ խորհրդակցության ժամանակ ստացած հանձնարարականների կատարման մասին, այնուհետև նրանց տրվեցին մարզպետի նոր հանձնարարականներ: Բոլոր ստորաբաժանումների ղեկավարներին հանձնարարվեց տեղեկատվություն ներկայացնել յուրաքանչյուր շաբաթվա անելիքների մասին: Առողջապահության և սոցիալական ապահովության վարչությունը հանձնարարական ստացավ բուժհաստատությունների տնօրեններից ամենօրյա տեղեկատվություն պահանջել մարզում գրիպի և սուր շնչառական հիվանդությունների իրավիճակի վերաբերյալ և զեկուցել մարզպետին: Միաժամանակ վարչության պետին հանձնարարվեց նշված հիվանդությունների վերաբերյալ բացատրական աշխատանք տանել զանգվածային լրատվամիջոցներով: Հանձնարարվեց նաև հայտարարել մրցույթ բուժհաստատությունների տնօրենների թափուր տեղերի մասին: Առաջիկա շաբաթվա համար համապատասխան հանձնարարականներ ստացան նաև մարզպետարանի մյուս ստորաբաժանումների ղեկավարները: