Տավուշի մարզպետի աշխատակազմ

Իջևանի թիվ 1 հիմնական դպրոցում Տավուշի մարզպետարանի կրթության, մշակույթի և սպորտի վարչության և Հայաստանի շախմատի ակադեմիայի Իջևանի մասնաճյուղի նախաձեռնությամբ տեղի ունեցավ շախմատի՝ տարբեր տարիքային խմբերի մարզային մրցաշար: Մասնակցում էին 10, 12, 14 և 16 տարիքային խմբերի տղաներ և աղջիկներ: Մարզային մրցումներն անցկացվում են երեք փուլով: 2-րդ մարզային փուլին մասնակցում էին 18 աղջիկ և 36 տղա, ովքեր հաղթել էին տարածաշրջանային փուլում: Հանրապետական փուլը տեղի կունենա մայրաքաղաք Երևանում փետրվարի 16-ին, որին կմասնակցեն 10 տարեկան մասնակիցներից 3 հոգի, իսկ մնացած տարիքային խմբերից՝ 2-ական պատանի շախմատիստներ: