Տեղեկատվական կենտրոն
Նորություններ
ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅՈՒՆ ՏԱՎՈՒՇԻ ՄԱՐԶՊԵՏԱՐԱՆՈՒՄ
18.01.2013
2013թ. հունվարի 17-ին ՀՀ Տավուշի մարզպետարանում մարզպետ Արմեն Ղուլարյանի մոտ տեղի ունեցավ քաղաքացիների ընդունելություն: Ընդունելության համար նախապես դիմել և հերթագրվել էին Իջևան քաղաքից և տարածաշրջանի գյուղերից ինը քաղաքացիներ: Ընդունելությանը մասնակցած քաղաքացիներից երեքը դիմել էին ֆինանսական աջակցության խնդրանքով, երեքը՝ աշխատանքի տեղավորման, երկուսը՝ բնակարանի, մեկը` այլ բնույթի հարցերով: Այն հարցերը, որոնց հնարավոր էր պատասխանել տեղում, անմիջապես ստացան իրենց լուծումները: Իսկ քաղաքացիների կողմից բարձրացված մյուս խնդիրների կապակցությամբ, որոնք լրացուցիչ ժամանակ և ուսումնասիրություն են պահանջում, մարզպետ Արմեն Ղուլարյանը տվեց հանձնարարականներ մարզպետարանի համապատասխան ստորաբաժանումների ղեկավարներին: