Տավուշի մարզպետի աշխատակազմ

Ձմեռային արձակուրդից հետո, 2013 թվականի հունվարի 14-ից, Տավուշի մարզի հանրակրթական բոլոր դպրոցները, բացառությամբ 1-ին և 2-րդ դասարանների, սկսել են ուսումնական տարվա 2-րդ կիսամյակի աշխատանքները: Տավուշի մարզպետարանի կրթության, մշակույթի և սպորտի վարչության հաղորդմամբ դասընթացները շարունակվում են բնականոն, ուսումնական պլանով նախատեսված ձևով: Մարզի 81 դպրոցներն էլ ունեն ջեռուցման բավարար պայմաններ, տարածված հիվանդություններ չկան: Իսկ 1-ին և 2-րդ դասարանցիների ձմեռային արձակուրդը կշարունակվի մինչև հունվարի 27-ը: