Տավուշի մարզպետի աշխատակազմ

Ջերմորեն շնորհավորում եմ Ձեզ մասնագիտական տոնի` Ուսուցչի օրվա առթիվ: Արդեն տասնմեկ տարի անընդմեջ կառավարության որոշմամբ պետականորեն նշվում է ավանդույթ դարձած այս գեղեցիկ տոնը: Հայ ժողովուրդը միշտ էլ բարձր է գնահատել ուսուցչին և խոնարհվել է նրա վաստակի առաջ: Ձեր անվեհեր աշխատանքով Դուք ճանապարհ եք բացում ապագա սերունդների համար և կերտում եք անձի, քաղաքացու հոգեկերտվածք ու մտածողություն: Ձեր ջանքերով է հիմք դրվում պետության համար արժանի քաղաքացու, աշխարհում իր գիտելիքներով մրցունակ և ամենատարբեր բնագավառներում պահանջարկ վայելող բարձրորակ մասնագետի ձևավորմանը:
Տավուշի մարզի ուսուցիչները միշտ էլ առանձնացել են իրենց նվիրվածությամբ և անխոնջ աշխատանքով, բազում անգամ ապացուցել հավատարմությունն իրենց գործին ու կոչմանը:
Մեկ անգամ ևս շնորհավորում եմ Ձեզ, մաղթում եմ առողջություն, երջանկություն, բարեկեցություն և հաջողություն Ձեր ազգապահպան գործում: