Տեղեկատվական կենտրոն
Նորություններ
Նորից սխալ մեկնաբանություն
11.09.2012
2012 թվականի սեպտեմբերի 8-ին <<Առավոտում>> հրապարակված <<Մարզպետի տեղակալը, ըստ էության չի պատասխանել տեղեկատվության վերաբերյալ մեր հարցմանը>> նյութի հեղինակը` Ոսկան Սարգսյանը, սխալ մեկնաբանություն է կատարել, երևի ըստ էության, չհիշելով սեփական հարցման բովանդակությունը: Նշում է, թե հարցրել է արտերի քանակի մասին, իսկ Տավուշի մարզպետարանը պատասխանել է արտհնձի մասին, ինչը չի համապատասխանում իրականությանը: Բառացի մեջբերում ենք 24. 08. 2012 թ. կատարած նրա հարցման մեջ նշված հարցը. <<Այս տարի Տավուշի մարզի համայնքներում որքան հեկտար աշնանացան ցորեն է հնձվել: Խնդրում եմ ըստ համայնքների նշել, թե որ համայնքում ինչքան հացահատիկ, աշնանացան ցորեն է հնձվել>>: Որպես փաստացի ապացույց կից ներկայացնում ենք Ոսկան Սարգսյանի հարցման պատճենը:
Պետք է նշել նաև, որ Ոսկան Սարգսյանին մի քանի անգամ մեր կողմից զգուշացվել է, որպեսզի նա հարցումները կատարի պատշաճ կերպով: Սակայն նա շարունակում է նույն` անհասկանալի ձեռագրով ու ոճով հարցումների շարքը: