Տեղեկատվական կենտրոն
Նորություններ
ՀՀ ՏԱՎՈՒՇԻ ՄԱՐԶՊԵՏ ԱՐՄԵՆ ՂՈՒԼԱՐՅԱՆԻ ՈՒՂԵՐՁԸ ԳԻՏԵԼԻՔԻ ՕՐՎԱ ԿԱՊԱԿՑՈՒԹՅԱՄԲ 31.08.2012
31.08.2012
Հարգելի տավուշցիներ, սիրելի աշակերտներ,
ուսանողներ և մանկավարժներ
Շնորհավորում եմ Ձեզ սեպտեմբերի 1-ի` Գիտելիքի, գրի և դպրության օրվա կապակցությամբ: Գիտելիքը մեր երկրի ամենաարժեքավոր հարստությունն է և յուրաքանչյուրս պարտավոր ենք պահպանել այն, ըստ արժանվույն գնահատենք և օգտագործենք ի շահ հայրենիքի:
Կրթության հազարամյա պատմություն ունեցող մեր ժողովուրդն առանձնահատուկ հոգատարություն ունի դպրոցի և ուսուցչի հանդեպ: Գիտելիքի եւ կրթության ձգտումը հայի ազգային բնավորության մասն է, երկրի զարգացման ու հզորացման կարևորագույն գրավականը: Այսօր գիտելիքն ու կրթությունը ամենաթանկ կապիտալն է, մարդկության առաջընթացի ամենակարևոր նախապայմանը: Եթե հասարակությունը կրթված է, ապա պետության վաղվա օրը երաշխավորված է: Հայրենասեր, բանիմաց ու կիրթ սերունդ դաստիարակելու գործում մենք բոլորս պետք է ունենանք բարձր քաղաքացիական պատասխանատվություն:
Սիրելի դպրոցականներ ևս մեկ անգամ շնորհավորում եմ ուսումնական նոր տարվա և Գիտելիքի օրվա առթիվ, ուսման մեջ ունեցեք ձեռքբերումներ ու հաջողություններ, դուք պետք է կառուցեք մեր վաղվա օրը, մեր երկրի ապագան:
Սիրելի` մանկավարժներ, ծնողներ, շնորհավորում եմ Ձեզ և համոզված եմ, որ պատասխանատու ու շնորհակալ Ձեր գործը նվիրական և բեղուն կլինի այս տարի ևս:
Բարի երթ Ձեզ: