Տեղեկատվական կենտրոն
Նորություններ
ՔԱՂԱՔԱՑԻՆԵՐԻ ՀԵՐԹԱԿԱՆ ԸՆԴՈՒՆԵԼՈՒԹՅՈՒՆԸ
10.08.2012
2012թ. օգոստոսի 9-ին Իջևան քաղաքում ՀՀ Տավուշի մարզպետ Արմեն Ղուլարյանի մոտ տեղի ունեցավ քաղաքացիների ընդունելություն: Ընդունելության համար նախապես դիմել և հերթագրվել էին ութ քաղաքացիներ Իջևան քաղաքից և Այգեհովիտ ու Գետահովիտ գյուղերից: Ընդունելությանը մասնակցած ութ քաղաքացիներից մեկը դիմել էր աշխատանքի տեղավորման, երկուսը՝ ֆինանսական աջակցության, երկուսը՝ բնակարանի, երեքը` այլ բնույթի հարցերով: Այն հարցերը, որոնց հնարավոր էր պատասխանել տեղում, անմիջապես ստացան իրենց լուծումները: Իսկ քաղաքացիների կողմից բարձրացված մյուս խնդիրների վերաբերյալ, որոնք լրացուցիչ ժամանակ և ուսումնասիրություն են պահանջում, մարզպետ Արմեն Ղուլարյանը տվեց հանձնարարականներ մարզպետարանի համապատասխան ստորաբաժանումների ղեկավարներին: