Տավուշի մարզպետի աշխատակազմ

Սիրելի շրջանավարտներ

Շնորհավորում եմ Ձեզ դպրոցական վերջին օրվա ու վերջին զանգի կապակցությամբ: Թող այդ զանգի ղողանջներն ավետեն ձեզ սպասվելիք երջանիկ կյանքի մասին: Դուք, Հայաստանի Հանրապետության տասներկուամյա կրթության համակարգին անցնելուց հետո, առաջին շրջանավարտներն եք և միշտ ձեր յուրօրինակ տեղը կունենաք կրթության ոլորտի պատմության մեջ: Այսօր դուք կանգնած եք ձեր կյանքի կարևորագույն ճամփաբաժանին. հետևում մնացին անհոգ մանկությունն ու պատանեկությունը, ապագայում են` հասուն կյանքի տարիները: Հուսով եմ, որ ձեռք եք բերել այն անհրաժեշտ գիտելիքները, որոնց վրա կկառուցեք ձեր արժանապատիվ կյանքը: Գիտելիքներով զինված, ապագայի նկատմամբ հույսով ու հավատով. միայն այսպես կարող եք կերտել և ձեր ապագան, և արժանի ներդրում ունենալ հայրենիքի զարգացման գործում:
Սիրելի ուսուցիչներ, շնորհավորում եմ նաև Ձեզ: Այսօր նաև Ձեր տոնն է, քանզի հերթական մի սերնդի կրթել ու ճանապարհում եք դեպի մեծ կյանք:
Մեկ անգամ ևս շնորհավորելով` մաղթում եմ ձեզ հաջողություն, նպատակների ու իղձերի իրականացում: