Տավուշի մարզպետի աշխատակազմ

Իջևանի թիվ 1 հիմնական դպրոցում անցկացվեց դպրոցականների շախմատի 6-րդ օլիմպիադայի 3-րդ՝ մարզային փուլը, որին մասնակցում էին նախորդ՝ ներդպրոցային, ապա համայնքային փուլերում հաղթած 4 թիմեր՝ Դիլիջանի Վախթանգ Անանյանի անվան դպրոցի, Ջուջևանի, Բերդի վարժարանի և Իջևանի ավագ դպրոցի շախմատիստները: Թիմերը մրցեցին 3 տղա և 1 աղջիկ կազմով: Շրջանային պայքարի արդյունքում հաղթեց Իջևանի ավագ դպրոցի թիմը՝ իրավունք նվաճելով մասնակցելու հանրապետական փուլին: Բերդի, Նոյեմբերյանի և Դիլիջանի տարածաշրջանները ներկայացնող թիմերը գրավեցին համապատասխանաբար 2-րդ, 3-րդ և 4-րդ տեղերը: Իմաստուն խաղի փոքրիկ վարպետների համար մրցանակներ էր պատրաստել ընդհանուր բարեգործական միությունը: 1-ին տեղ գրաված թիմի անդամները պարգևատրվեցին նեթբուքներով, իսկ մարզիչները՝ շախմատի ժամացույցներով: 2-րդ և 3-րդ տեղեր գրաված թիմերը ստացան ցուցադրական շախմատի տախտակներ: Միջոցառումը կազմակերպել էին շախմատի մարզային ֆեդերացիան և Տավուշի մարզպետարանի կրթության, մշակույթի և սպորտի վարչությունը: