Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Պարգևատրվեցին տավուշցի բժիշկները
05.03.2012
Առողջապահության կազմակերպիչների միավորում հասարակական կազմակերպությունը Երևանի Մխիթար Հերացու անվան պետական բժշկական համալսարանում կազմակերպել էր գիտաժողով նվիրված ՀՀ Զինված ուժերի կազմավորման 20-ամյակին: Գիտաժողովին մասնակցում էր նաև <<Առողջապահության կազմակերպիչների միավորում>> ՀԿ-ի Տավուշի մարզի պատվիրակությունը մարզային խորհրդի նախագահ, մարզպետարանի աշխատակազմի առողջապահության և սոցիալական ապահովության վարչության պետԿարինե Դովլաթբեկյանի ղեկավարությամբ: Ի թիվս գիտական զեկուցումների, գիտաժողովում նախատեսված էին նաև հանդիսավոր արարողություն, ելույթներ և պարգևատրումներ ՀՀ ԱԺ նախագահ Սամվել Նիկոյանի, ՀՀ պաշտպանության նախարար Սեյրան Օհանյանի և ԵԿՄ վարչության նախագահ Մանվել Գրիգորյանի կողմից:
Արցախյան պատերազմի ժամանակ իրականացրած մասնագիտական գործունեության համար Տավուշի մարզից ՀՀ պաշտպանության նախարարության հուշամեդալով պարգևատրվեցին մարզպետարանի առողջապահության և սոցիալական ապահովության վարչության պետ Կարինե Դովլաթբեկյանը, Իջևանի բժշկական կենտրոնի անեսթեզիոլոգ-ռեանիմատոլոգ Համլետ Չոբանյանը, իսկ Արծվաբերդի առողջության կենտրոնի տնօրեն Գագիկ Դալլաքյանը` ԵԿՄ հուշամեդալով: Բերդի բժշկական կենտրոնի տնօրեն Արամ Հարությունյանը և Նոյեմբերյանի բժշկական կենտրոնի անեսթեզիոլոգ-ռեանիմատոլոգ Արմեն Բարսեղյանը պարգևատրվեցին ԵԿՄ պատվոգրերով:
