Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՔԱՂԱՔԱՑԻՆԵՐԻ ՀԵՐԹԱԿԱՆ ԸՆԴՈՒՆԵԼՈՒԹՅՈՒՆԸ
16.01.2012
Տավուշի մարզպետարանում հունվարի 13-ին Տավուշի մարզպետ Արմեն Ղուլարյանի մոտ քաղաքացիների ընդունելության օր էր: Ընդունելության համար նախապես դիմել էին և հերթագրվել տասներկու քաղաքացիներ Իջևան քաղաքից և տարածաշրջանի գյուղերից: Ընդունելությանը մասնակցած տասներկու քաղաքացիներից հինգը դիմել էին ֆինանսական աջակցության, չորսը` աշխատանքի տեղավորման, երեքը` բնակարանի հարցերով: Այն հարցերը, որոնց հնարավոր էր պատասխանել տեղում, անմիջապես ստացան իրենց լուծումները: Իսկ քաղաքացիների կողմից բարձրացված մյուս խնդրների կապակցությամբ, որոնք լրացուցիչ ժամանակ և ուսումնասիրություն են պահանջում, մարզպետ Արմեն Ղուլարյանը տվեց հանձնարարականներ մարզպետարանի համապատասխան ստորաբաժանումների ղեկավարներին: Դրանց պատասխանը քաղաքացիներին կտրվի սահմանված ժամկետներում:
