Տավուշի մարզպետի աշխատակազմ

   ՀՀ Անկախության  20-ամյակի միջոցառումների շրջանակում Երևանի պետական համալսարանում տեղի ունեցավ ԵՊՀ  մասնաճյուղային մրցույթ վոլեյբոլ մարզաձևից: 17 թիմերի թվում մրցույթին մասնակցեց նաև ԵՊՀ Իջևանի մասնաճյուղի տղամարդկանց վոլեյբոլի թիմը: Հաղթելով 3 թիմի` մեր մասնաճյուղի  ներկայացուցիչները դուրս եկան եզրափակիչ, որտեղ խաղացին ԵՊՀ երկրաբանական ֆակուլտետի թիմի հետ: Եզրափակիչում պարտություն կրելով` ԵՊՀ Իջևանի մասնաճյուղի թիմը գրավեց երկրորդ տեղը:  ԵՊՀ Իջևանի մասնաճյուղի վոլեյբոլի թիմը ձևավորվել է 2010 թվականին, մարզիչն է  մասնաճյուղի մարմնակրթության և սպորտի ամբիոնի վարիչ, միջազգային կարգի սպորտի վարպետ, Եվրոպայի չեմպիոն Վարդիթեր Պողոսյանը: Պարգևատրման արարողության ժամանակ ԵՊՀ ռեկտոր Արամ Սիմոնյանը հատուկ շնորհակալություն է հայտնել թիմի անդամներին և  մարզչին  այդքան կարճ ժամանակահատվածում նման շոշափելի արդյունքի հասնելու համար: