Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԵԱՀԿ հերթական դիտարկումը հայ-ադրբեջանական սահմանագոտում
30.11.2011
Նոյեմբերի 29-ին հայ-ադրբեջանական սահմանագոտու Իջևան-Ղազախ հատվածում` Կայան գյուղի մերձակայքում, տեղի ունեցավ ԵԱՀԿ հերթական դիտարկումը:
Մինչ դիտարկումը Տավուշի մարզպետարանում ԵԱՀԿ Մինսկի խմբի համանախագահներ Բեռնար Ֆասիեին, Ռոբերտ Բրադկեին, Իգոր Պոպովին և ԵԱՀԿ գործող քարտուղարի անձնական ներկայացուցիչ Անջեյ Կասպրչիկին ընդունեց Տավուշի մարզպետ Արմեն Ղուլարյանը: Ողջունելով հյուրերին, մարզպետը հաջողություն մաղթեց նրանց առաքելությանը:
Բերնար Ֆասիեն տեղեկացրեց, որ արդեն հանդիպումներ են ունեցել ՀՀ արտաքին գործերի նախարար Էդուարդ Նալբանդյանի ու ՀՀ պաշտպանության նախարար Սեյրան Օհանյանի հետ և նրանց է ներկայացրել Ժակ Ֆորին, ով այսուհետ փոխարինելու է իրեն ֆրանսիացի համանախագահի պաշտոնում:
Տեղի ունեցած բրիֆինգի ընթացքում քննարկվեցին հայ-ադրբեջանական շփման գծում տիրող իրավիճակը, հրադադարի ռեժիմի խախտումներին և ադրբեջանական դիպուկահարների գործողություններին վերաբերող հարցեր:
Դիտարկման ընթացքում Հայաստանում գտնվող ԵԱՀԿ Մինսկի խմբի համանախագահները ոտքով հատեցին հայ-ադրբեջանական սահմանագիծը:
