Տեղեկատվական կենտրոն
Նորություններ
Դեռահասը` հուսալի ձեռքերում
08.11.2011
ՀՀ Տավուշի մարզպետարանի աշխատակազմի ընտանիքի, կանանց եւ երեխաների իրավունքների պաշտպանության բաժնում ահազանգ էր ստացվել, որ Բարեկամավան համայնքի հիմնական դպրոցի 13-ամյա աշակերտ Տիգրան Միրզոյանը դպրոց չի հաճախում: Մասնագետների ուսումնասիրությունը ցույց տվեց, որ Տիգրանի մայրը գտնվում է արտերկրում, իսկ հայրը տառապում է հոգեկան հիվանդությամբ և երեխային չի թույլատրում հաճախել դպրոց: Ոստիկանության, համայնքի խնամակալության եւ հոգաբարձության մարմնի հետ ձեռնարկած համատեղ միջոցառումների արդյունքում հայրը` Գրիշա Միրզոյանը, տեղափոխվեց հոգեբուժական հիվանդանոց: Որպեսզի երեխան միայնակ չլինի, Տավուշի մարզպետարանի ընտանիքի, կանանց և երեխաների իրավունքների պաշտպանության բաժնի հետևողականան աշխատանքի արդյունքում հնարավոր դարձավ երեխային ժամանակավորապես տեղափոխել հորաքրոջ տուն: Համայնքի խնամակալության եւ հոգաբարձության հանձնաժողովը երեխայի հորաքրոջը նրա նկատմամբ ճանաչեց ժամանակավոր խնամակալ: Հեռախոսային կապ է հաստատվել նաև Տիգրան Միրզոյանի մոր հետ, ով շուտով կլինի Հայաստանում եւ անձամբ կզբաղվի իր երեխայի խնամքով: