Տավուշի մարզպետի աշխատակազմ

 

   <<Հանրակրթության մասին>> ՀՀ օրենքի պահանջին համապատասխան  հանրապետությունում սկսվել է դպրոցների տնօրենների  հավաստագրման գործընթացը: Տավուշի մարզպետարանի կրթության, մշակույթի և սպորտի վարչության պետ Աշոտ Փաշինյանի հաղորդմամբ Տավուշի մարզից հայտագրված և վերապատրաստում անցած 32 հավակնորդից 17-ը դպրոցների տնօրեններ են, մնացած 15-ը` դպրոցների ուսմասվարներ և ուսուցիչներ: 2011թ. մարտի 11-ի դրությամբ հանրակրթական ուսումնական հաստատության ղեկավարման իրավունք ստանալու համար քննական գործընթաց անցած 11 հոգուց հավաստագիր կստանան 7-ը, որը ուժի մեջ կլինի 5 տարի: Անհաջողության մատնված և քննական գործընթացը չհաղթարած մանկավարժներին թույլատրվում է ևս մեկ անգամ փորձելու իրենց ուժերը: Հավաստագրման գործընթացը կշարունակվի մինչև 2011թ. օգոստոսի 1-ը, որին մասնակցելու հնարավորություն կունենան  բոլոր դպրոցների տնօրենները: