Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մաքսազերծման համար տրամադրվում է վարկ
03.03.2011
Մաքսազերծման համար տրամադրվում է վարկ
ՀՀ կառավարության 2011 թվականի փետրվարի 24-ի 161-Ն որոշմամբ հաստատված կարգի համաձայն, ՀՀ քաղաքացիների կողմից ՀՀ տարածքում շահագործվող մինչև 2005 թվականի արտադրության և մինչև 5 մլն դրամ արժողությամբ արտասահմանյան համարանիշներով տրանսպորտային միջոցների մաքսազերծման համար տրամադրվում է արտոնյալ / առանց տոկոսադրույքի/ վարկ:
Տավուշի մարզպետարանում սկսվել է տրանսպորտային միջոցների հաշվառման, վարկի ձևակերպման, պայմանագրերի կնքման նախնական գործընթացը: Պայմանագրերի կնքումն ապահովելու նպատակով ՀՀ Տավուշի մարզպետի կարգադրությամբ ստեղծվել է աշխատանքային խումբ:
Ընդհանուր,մարզի համայնքների կողմից տրված տեղեկատվության համաձայն/որը ընթացքում ավելանում է/, արտասահմանյան պետհամարանիշներով տրանսպորտային միջոցների թվը կազմում է 573: Մաքսային կոմիտեի կողմից սահմանված ձևին համապատասխան ճշգրտված 454 տրանսպորտային միջոցների ցանկը ուղարկվել է պետական եկամուտների կոմիտե ավտոմեքենաների իրական արժեքների որոշման համար: Արդեն մարզպետարան են ներկայացվել 352 տրանսպորտային միջոցների իրական արժեքները, և գործընթացը շարունակվում է:
Տրանսպորտային միջոցների հաշվառման և ձևակերպումների գործընթացը սկսելու համար Տավուշի մարզպետարանի կողմից հնարավոր բոլոր միջոցներով հայտարարություններ են տրվել:
