Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Համայնքներ

Համայնքի մասին

Իջեւան


Մակերես` 43 կմ2


Բնակչություն` 18816 մարդ (01.01.2016թ.դրությամբ)


Անհիշելի ժամանակներից /չկա պատմական ստույգ տվյալ/ Հայաստանի մայրաքաղաք Դվինից-Թիֆլիս ձգվող քարավանային ճանապարհի վրա կառուցվել են քարավանների հանգստավայրեր /քարավանատներ/։ Դրանցից մի քանիսն գտնվել են ներկայիս Իջևանի տեղում, Աղստևի աջ ու ձախ մասերում։
Բնակչության թիվը սկսել է աճել հատկապես19-րդ դարի 2-րդ կեսից հետո, երբ այժմյան Տավուշի մարզի Իջևանի /Քարվանսարայի/ հարակից տարածքներում սկսել են զբաղվել արհեստագործությամբ /գորգագործություն, փայտագործություն/ և աճեցնել կարտոֆիլ, այնուհետև՝ ծխախոտ։ 1858թ. Քարվանսարայում բացվել է ծխական դպրոց, իսկ քիչ անց կառուցվել է Սուրբ Ամենափրկիչ եկեղեցին։ Իջևանի շրջակայքում 7-9-րդ. կառուցվել են նաև սբ. Աստվածածին և սբ. Հովհաննես եկեղեցիները:
Իջևանը սկսել է բուռն զարգացում ապրել հատկապես անցած դարի 30-ական թվականներից սկսած, երբ շահագործման են հանձնվել մի շարք արդյունաբերական, շինարարական, սննդի և այլ ձեռնարկություններ։
Ներկայումս քաղաքում գործում են 300 տեղանոց մշակույթի տունը, կերպարվեստի և երաժշտական դպրոցները, 5 հանրակրթական դպրոցներ՝ 3550 ընդհանուր աշակերտաքանակով, 1 վարժարան, ԵՊՀ Իջևանի մասնաճյուղը, որտեղ սովորում են 1000-ից ավելի ուսանողներ, ,,Մխիթար Գոշ,, համալսարանի մասնաճյուղը, 2 քոլեջներ, մանկապարտեզներ, հիվանդանոց, պոլիկլինիկա և այլն։
Քաղաքն ունի 91 բազմաբնակարան շենքեր և 2350 առանձնատներ: Իջևանցիները ժամանակին զբաղվել են հողագործությամբ, անասնապահությամբ և արհեստագործությամբ /գորգագործություն, փայտի մշակություն, պատշարություն և այլն/։ Իրենց պատմության ընթացքում նրանք տվել են անվանի գիտնականներ, մտավորականներ, ռազմական և քաղաքական գործիչներ /ակադեմիկոս Ա.Ասլանյան, պատմաբան Ա.Հարենց, գրականագետ Գ.Անանյան, բանասեր Գ.Էդիլյան, Բ.Ներսիսյան, գնդապետ Գ.Բլբուլյան, քաղաքական գործիչ Ջ. Անանյանը և այլն/։
1996թ. ք. Իջևանը դարձավ նորաստեղծ Տավուշի մարզի կենտրոնը:
1. Հեռավորությունը Երևանից՝ 133 կմ,
ՀՀ պետական սահմանից՝ 18 կմ
2. Բարձրությունը ծովի մակերևույթից՝ 730 մ
3. Բնակլիմայական պայմաններ՝ գտնվում է բարեխառն գոտում, ամռանը միջին ջերմաստիճանը +29C է, ձմռանը` -3C
4. Պատմամշակութային կոթողներ՝ սբ.Ներսես Շնորհալի /վերակառուցված է/, սբ. Աստվածածին, սբ. Ամենափրկիչ
5.Տնտեսությունների թիվ 5750 ընտանիք
6. Համայնքի զբաղեցրած տարածքը՝ 596 հա
7. Բնակչության զբաղմունքը` բուսաբուծություն, անասնապահություն, արդյունաբերություն, տրանսպորտ, առևտուր, սպասարկում
8. Ապահովվածությունը խմելու և ոռոգման ջրով՝ որոշ թաղամասեր անբավարար
9. Գազիֆիկացված է
10. Ճանապարհների վիճակը՝ ներհամայնքային ճանապարհներն ունեն վերանորոգման կարիք


Համայնքն ունի`


1. Դպրոց` Իջևանի թիվ 1 - 1100 աշակերտական տեղով, աշակերտների թիվը - 457
Իջևանի թիվ 3 – 700 աշակերտական տեղով, աշակերտների թիվը - 474
Իջևանի թիվ 4 – 560 աշակերտական տեղով, աշակերտների թիվը - 204
Իջևանի թիվ 5 – 1100 աշակերտական տեղով, աշակերտների թիվը - 755
Իջևանի վարժարան – 100 աշակերտական տեղով, աշակերտների թիվը – 89,
Իջևանի ավագ դպրոց /կ.գ.ն. ենթակայությամբ/
2. Բժշկական կենտրոն, պոլիկլինիկա
3. Մշակույթի տուն՝ 300 տեղանոց
4. Համայնքային կենտրոն /չի համապատասխանում ժամանակի պահանջներին/
5. Երաժշտական դպրոց
6. Արվեստի դպրոց
7. Պատկերասրահ
8. Սպորտդպրոց
9. 2 մանկապարտեզ

10. Թանգարան

11. Ավտոդպրոց
 

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-05-27 15:18:03