Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տավուշի մարզպետ Հայկ Ղալումյանի շնորհավորական ուղերձը Գիտելիքի օրվա կապակցությամբ
01.09.2024
Սիրելի դպրոցականներ, ուսուցիչներ ու ծնողներ, ուսանողներ ու դասախոսներ, կրթության ոլորտի նվիրյալներ, ջերմորեն շնորհավորում եմ ձեզ Գիտելիքի օրվա և նոր ուսումնական տարվա մեկնարկի կապակցությամբ։
Սիրելի աշակերտներ, թող որ այս նոր ուսումնական տարին ձեզ համար լինի գիտելիքների հարստացման, նոր արժեքների ճանաչման տարի: Զինվեք գիտելիքներով և այդ գիտելիքները ծառայեցրեք մեր երկրի զարգացման ու առաջընթացի գործին։
Սեպտեմբերի 1-ը առանձնահատուկ օր է հատկապես առաջին դասարանցիների համար, ովքեր առաջին անգամ են ոտք դնելու դպրոցի շեմից։ Ցանկանում եմ, որ դպրոցական տարիները նրանց համար դառնան գիտելիքների ձեռքբերման, աշխարհճանաչողության ու աշխարհընկալման տարիներ:
Սիրելի ուսուցիչներ արդյունավետ ու արգասաբեր աշխատանքային տարի եմ մաղթում ձեզ։ Ձեր տված գիտելիքներից ու դաստիարակությունից է կախված, թե ինչպիսի քաղաքացի կունենանք մենք վաղը։
Մեկ անգամ ևս շնորհավորելով Գիտելիքի օրվա կապակցությամբ՝ խաղաղություն, առողջություն ու երջանկություն եմ մաղթում բոլորիդ։
