Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
2012թ. կատարած աշխատանքները ներկայացրեց Տավուշի մարզային փրկարարական վարչությունը
21.01.2013
Տավուշի մարզպետարանում տեղի ունեցած խորհրդակցությանը 2012 թվականի ընթացքում կատարած աշխատանքները ներկայացրեց Տավուշի մարզային փրկարարական վարչությունը: Խորհրդակցությանը մասնակցում էր ՀՀ ԱԻՆ փրկարար ծառայության տնօրեն, փրկարար ծառայության գեներալ-մայոր Սերգեյ Ազարյանը: Ներկա էին նաև մարզի տարածքում տեղակայված ԱԻՆ մարզային մյուս ստորաբաժանումների ղեկավարները: Խորհրդակցությունը վարեց Տավուշի մարզպետ Արմեն Ղուլարյանը: Հաշվետու զեկուցումով հանդես եկավ Տավուշի մարզային փրկարարական վարչության պետ, փրկարար ծառայության փոխգնդապետ Վաղինակ Հովսեփյանը: 2012 թվականին իրականացրած աշխատանքները ներկայացրին նաև հակահրդեհային տեխնիկական անվտանգության տեսչության պետ Արմեն Համբարձումյանը և հիդրոօդերևութաբանական ծառայության պետ Էդիկ Միրզոյանը: Զեկուցումների շուրջ ծավալված մտքերի փոխանակությանը մասնակցեցին մարզային ծառայությունների պետեր, հիմնարկ-ձեռնարկությունների ղեկավարներ: Նշվեցին մարզային փրկարարական վարչության և ԱԻՆ մարզային կառույցների կողմից կատարված աշխատանքները, արվեցին կոնկրետ առաջարկներ 2013 թ. աշխատանքներն էլ ավելի բարձր մակարդակի վրա դնելու ուղղությամբ: Խորհրդակցության աշխատանքներն ամփոփեցին գեներալ-մայոր Սերգեյ Ազարյանը և Տավուշի մարզպետ Արմեն Ղուլարյանը:
