Տեղեկատվական կենտրոն
Նորություններ
2012 թվականի աշնանային զորակոչը
20.11.2012
2012 թվականի նոյեմբերի 20-ին Տավուշի մարզում մեկնարկեց աշնանային զորակոչը: Հանդիսավոր արարողությամբ զորամասի փողային նվագախմբի ուղեկցությամբ Իջևանի զինկոմիսարիատից նորակոչիկների առաջին խումբը մեկնեց բանակ: Այդ առթիվ կազմակերպված հանդիսավոր արարողությանը ելույթով հանդես եկան Իջևանի զինկոմի պաշտոնակատար Արծրուն Խաչատրյանը, մարզային զորակոչային հանձնաժողովի քարտուղար Համլետ Ավալյանը, ծնողներ: Հայկական բանակ ժամկետային ծառայության մեկնող պատանիներին օրհնեց ու բարի ծառայություն մաղթեց Իջևանի հովվության և քաղաք Իջևանի Սուրբ Ներսես Շնորհալի եկեղեցու հոգևոր հովիվ Տեր Սիմեոն քահանա Առաքելյանը: Դիլիջանի, Բերդի և Նոյեմբերյանի տարածաշրջաններում զորակոչի մեկնարկը կտրվի նոյեմբերի 21-ին: